საარჩევნო კანონმდებლობის რეფორმირებისას, როგორც უმრავლესობამ, ასევე ოპოზიციამ, საერთო საზოგადოებრივი ინტერესები უნდა გაითვალისწინოს და პოლიტიკურ შეთანხმებას მიაღწიოს. ამის შესახებ საქართველოს პარლამენტის თავმჯდომარემ დავით ბაქრაძემ განაცხადა.
მისი შეფასებით, "ვერცერთი პოლიტიკური ლიდერი საკუთარი მოთხოვნების 100%-ით დაკმაყოფილებას ვერ შეძლებს და მათ კომპრომისებზე წასვლა უნდა ისწავლონ.~
პარლამენტის თავმჯდომარის თქმით, ,ყველას კარგად უნდა ესმოდეს, რომ პოლიტიკაში ძალიან მნიშვნელოვანია კომპრომისის ხელოვნება და პოლიტიკური რეალობის გათვალისწინება.
"ნებისმიერი პოლიტიკური ძალისთვის ამოსავალი უნდა იყოს არა საკუთარი ინტერესების 100%-ით დაკმაყოფილებისთვის ბრძოლა, არამედ ბრძოლა კომპრომისისთვის, რათა არ დაიკარგოს ის, რაზეც უკვე შევთანხმდით,~ - აღნიშნა ბაქრაძემ და მაგალითად, დედაქალაქის მერის პირდაპირი წესით არჩევის შესახებ მიღწეულ შეთანხმება დაასახელა.
მერის პირდაპირი წესით არჩევისას საარჩევნო ბარიერის საკითხი იქცა ხელისუფლებასა და ოპოზიციას შორის მთავარ შეუთანხმებელ ობიექტად. ოპოზიცია 50%-იანი ბარიერის დაწესებას ითხოვს, ხელისუფლებას კი უბარიერო არჩევნები სურს, თუმცა ბოლო დროს გაჩნდა მოსაზრება, საარჩევნო ბარიერის 30-33%-ის ფარგლებში განსაზღვრის შესახებ.
