12 ნოემბრიდან, სასწავლო წლის ბოლომდე, თბილისის მერიის მულტიფუნქციური ბიბლიოთეკების გაერთიანების მირზა გელოვანის სახელობის ბიბლიოთეკაში (ვაჟა ფშაველას 99), ისტორიის მასწავლებელთა საქართველოს ასოციაციასთან თანამშრომლობითა და კორეის ინფორმაციაზე წვდომის ცენტრის მხარდაჭერით, ცხადდება VII-X კლასის მოსწავლეთა მიღება პროექტში "ვიკი-სკოლა - საქართველო".
უფასო პროგრამის ფარგლებში მოსწავლეები შეისწავლიან ვიკიპედიის სტატიებზე მუშაობის სპეციფიკას, მათ შექმნასა და ატვირთვას ვიკიპედიის პორტალზე. ამ გზით გაიფართოებენ თვალსაწიერს და ექნებათ მეტი კონტაქტი თანამედროვე ტექნოლოგიებთან.
კვირის განმავლობაში იმუშავებს ორი ჯგუფი (სამშაბათს და ოთხშაბათს). თითო ჯგუფში 15 მოსწავლე იმუშავებს, მათი შერჩევა კი გასაუბრების საფუძველზე მოხდება. რეგისტრაციისთვის გადადით ბმულზე: https://bit.ly/2PyBjfz
