შეერთებულმა შტატებმა ირანის წინააღმდეგ დაწესებული სანქციები გააფართოვა. სანქციათა სიაში დაამატა ირანის სამშენებლო სექტორი და აკრძალა ზოგიერთი მასალა, რომელიც შესაძლოა, ბირთვულ და სარაკეტო პროგრამებში იყოს გამოყენებული. ამის შესახებ სახელმწიფო დეპარტამენტის განცხადებაშია ნათქვამი.
ვაშინგტონის განცხადებით, ირანის სამშენებლო სექტორი პირდაპირ ან ირიბად კონტროლდება ისლამური რევოლუციის გუშაგთა კორპუსის მიერ. ამის გამო აიკრძალება, ირანისთვის გაყიდვა, მიწოდება ან გადაცემა გადაუმუშავებელი ან ნახევრად გადამუშავებული ლითონების, გრაფიტის და ნახშირის, ასევე აიკრძალება ამ სფეროს პროგრამული უზურუნველყოფა.
სახელმწიფო დეპარტამენტმა რუსეთს, ჩინეთსა და ევროპის ქვეყნებს გაუხანგრძლივა მოქმედება, რომელიც უფლებას აძლევს იმუშაონ ირანის ბირთვულ ობიექტებზე, რაც თეირანს არ მისცემს შესაძლებლობას ეს ობიექტები ბირთვული კვლევებისთვის გამოიყენეოს.