ვერაფერი გვათქმევინებს უარს საკუთარ ამბიციებზე და გადაგვახვევინებს ევროატლანტიკური ინტეგრაციის კონკრეტული მიზნებიდან, - განაცხადა საქართველოს პრეზიდენტმა, სალომე ზურაბიშვილმა გაერო-ს გენერალური ასამბლეის 74-ე სესიაზე სიტყვით გამოსვლისას.
მისი თქმით, ეს არის სწორედ საქართველოს მშვიდობიანი გამარჯვება ომსა და ოკუპაციაზე.
"ჩვენ მნიშვნელოვან პროგრესს მივაღწიეთ ყველა ევრო და ევროატლანტიკური ინტეგრაციის გაზე ისე, რომ ერთხელაც არ გადაგვიხვევია კურსიდან. არასოდეს დაგვითვლია, ეს რა ფასად გვიჯდება. მუდამ ნათლად ვიცოდით და ვიცით, თუ რა მომავლისკენ მივილტვით. გარკვეულწილად, ეს ჩვენი მშვიდობიანი გამარჯვებაა ომსა და ოკუპაციაზე, ტრაგედიასა და ნგრევაზე, მაგრამ როდესაც მშვიდობის მიზანსა და კონფლიქტისა თუ ოკუპაციის დასრულებაზეა საუბარი, საჭიროა, ვიმოქმედოთ. ჩვენ გვჭირდება მოძრაობა და გვჭირდება დიპლომატია", - განაცხადა სალომე ზურაბიშვილმა.
