პარლამენტის დამოუკიდებელი დეპუტატი ლევან კობერიძე მოსამართლეობის ყველა კანდიდატის ჩაგდებას და იუსტიციის საბჭოს დაშლას ითხოვს. ამის შესახებ პარლამენტარმა იურიუდიულ კომიტეტზე უზენაესი სასამართლოს მოსამართლეობის კანდიდატების მოსმენისას განაცხადა.
"ჩემს ყველა კოლეგა დეპუტატს მოვუწოდებ, ჩააგდოს მოსამართლეობის ყველა კანდიდატი თამარ ალანიას ჩათვლით... არ მჯერა, რომ ეს მოსამართლეები, მათ შორის ქალბატონი თამარი "ცუდები" იყვნენ და ახლა "კარგები" გახდნენ.
უნდა დაიწყოს რეალური რეფორმა სასამართლო სისტემაში და არა ეს ფასადური ცვლილებები - პირველი ნაბიჯი კი, საქართველოს კონსტიტუციაში ცვლილების შეტანის გზით, იუსტიციის საბჭოს არსებული შემადგენლობა უნდა დაიშალოს", - თქვა ლევან კობერიძემ.
შეგახსენებთ, პარლამენტის იურიუდიულ კომიტეტში უზენაესი სასამართლოს მოსამართლეობის კანდიდატების მოსმენა მიმდინარეობს.
