მალტა და საქართველოს ეკონომიკური ურთიერთობების გაღრმავებაზე შეთანხმდნენ. საქართველოს საგანგებო და სრულუფლებიანმა ელჩმა, კონსტანტინე სურგულაძემ მალტისრესპუბლიკაში მუშაობა დაიწყო და ქვეყნის პრეზიდენტს მარი ლუიზ კოლეირო პრეკას რწმუნებათა სიგელები გადასცა.
პრეზიდენტთან შეხვედრის დროს ხაზი გაესვა საქართველოსა და მალტას შორის არსებულ დინამიურ თანამშრომლობას კულტურის, განათლებისა და ეკონიმიკის სფეროებში. გამოითქვა მზადყოფნა თანამშრომლობის სამომავლოდ კიდევ უფრო გაღრმავების შესახებ.
კონსტანტინე სურგულაძემ მადლობა გადაუხადა მალტის პრეზიდენტს საქართველოს ტერიტორიული მთლიანობისა და სუვერენიტეტის მხარდაჭერისთვის და აღნიშნა საქართველოს პარტნიორების მხრიდან მისი უწყვეტი მხარდაჭერის მნიშვნელობა.
მალტის რესპუბლიკაში ვიზიტის ფარგლებში კონსტანტინე სურგულაძემ შეხვედრა გამართა მალტის პარლამენტის წარმომადგენელთა პალატის სპიკერთან ანჯელო ფარუჯასთან. მხარეებმა საქართველო-მალტას შორის ორმხრივი და მრავალმხრივი ურთიერთობების საკითხებზე და საპარლამენტთაშორისო და ეკონომიკური თანამშრომლობის გაღრმავების პერსპექტივებზე ისაუბრეს. როგორც კონსტანტინე სურგულაძემ აღნიშნა იგი ძალიან აფასებს მალტის მხარდაჭერას სხვადასხვა საერთაშორისო ორგანიზაციების ფარგლებში და საჭიროა საპარლამენტო თანამშრომლობის კიდევ უფრო გააქტიურება.
