ჩრდილო ოსეთში, ქალაქ ვლადიკავკაზის ცენტრალურ ბაზარში აფეთქება მოხდა. წინასწარი ინფორმაციით, ბაზარში ავტომობილი აფეთქდა. აფეთქება იმდენად ძლიერი იყო, რომ ახლომდებარე შენობების ფანჯრები ჩაიმსხვრა. ინფორმაციას ამის შესახებ რუსული მედია ავრცელებს.
"ვლადიკავკაზის ბაზარში აფეთქება მოხდა. არიან დაშავებულები, რომელთა რაოდენობა ამჟამად დგინდება", _ იუწყება რუსული მედია. მათივე ინფორმაციით, ადგილზე სამართალდამცავებმა მუშაობა უკვე დაიწყეს.
