საქართველოსა და ფინეთს შორის მეგობრული პოლიტიკური ურთიერთობები ეკონომიკური თანამშრომლების გაღრმავებით უნდა გამყარდეს. ამის შესახებ საქართველოს საგარეო საქმეთა მინისტრმა გრიგოლ ვაშაძემ ფინეთის საგარეო საქმეთა მინისტრ ალექსანდრ სტუბთან შეხვედრის დასრულების შემდეგ გამართულ ერთობლივ პრესკონფერენციაზე განაცხადა.
"2008 წლის აგვისტოში ფინეთი ეუთოს თავმჯდომარე ქვეყანა იყო, რომელმაც რუსეთ-საქართველოს ომის შეწყვეტაში მნიშვნელოვანი როლი შეასრულა. აუცილებლია, ფინეთსა და საქართველოს შორის პოლიტიკური მეგობრობა ეკონომიკური თანამშრომლობითაც გაღრმავდეს", - განაცხადა ვაშაძემ.
მისივე განაცხადებით, დღევანდელ შეხვედრაზე ფინეთის საგარეო საქმეთა მინსტრთან ქვეყნებს შორის ორმხრივი თანამშრომლობის საკითხები განიხილეს, ასევე საუბარი შეეხო ევროკავშირში საქართველოს ინტეგრაციიასაც.
ამასთან, მინისტრებმა საქართველოში ევროკავშირის მისიის მნიშვენელობაზეც ისაუბრეს.
