ღმერთმა დალოცოს ჩვენი სამშობლო საქართველო და გააძლიეროს ჩვენი პრეზიდენტი, - განაცხადა საქართველოს პრეზიდენტმა გიორგი მარგველაშილმა პრეზიდენტის სასახლეში გამართულ ბრიფინგზე. მოქმედმა პრეზიდენტმა საპრეზიდენტო არჩევნებში გამარჯვებულ კანდიდატს, სალომე ზურაბიშვილს გამარჯვება მიულოცა და ინაუგურაციის მოწყობის პროცესში მონაწილეობასა და დახმარებაზე თანამშრომრობა შესთავაზა
„გუშინდელ არჩევნებზე დაკვირვებით და აგრეთვე, სადამკვირვებლო ორგანიზაციების შეფასების ანალიზის საფუძველზე, მინდა შეშფოთება გამოვხატო მეორე ტურში დემოკრატიული არჩევნების ხარისხი მკვეთრი ვარდნის თაობაზე და ერთმნიშვნელოვნად ვთქვა, რომ საქართველოში ასეთი არჩევნები მეტი აღარ უნდა ჩატარდეს, ამ სტანდარტით. ვულოცავ საქართველოს არჩეულ მე-5 პრეზიდენტს, სალომე ზურაბიშვილს, ვუსურვებ წარმატებას და აგრეთვე, მინდა ვთქვა, რომ როგორც კი ქალბატონი სალომე დაასახელებს პასუხისმგებელ პირს, ჩვენ მზად ვართ დავიწყოთ თანამშრომლობა, როგორც ადმინისტრაციული თვალსაზრისით, საქმის გადაბარების თაობაზე, ასევე, ინაუგურაციის მოწყობის პროცესში მონაწილეობასა და დახმარებაზე. ღმერთმა დალოცოს ჩვენი სამშობლო საქართველო და გააძლიეროს ჩვენი პრეზიდენტი“ - განაცხადა მარგველაშვილმა.
