8-9 სექტემბერს საქართველოს ამერიკის შეერთებული შტატების კომერციის დეპარტამენტის წარმომადგენლები ეწვევიან. ამის შესახებ საგარეო საქმეთა მინისტრის მოადგილემ ნინო კალანდაძემ დღეს, სამინიტროში გამართულ ორშაბათის ტრადიციულ ბრიფინგზე განაცხადა.
"საქართველოს აშშ-ს კომერციის დეპარტამენტით ეგიდით დელეგაცია ეწვევა, რომელების მონაწილეობით ბიზნეს სამიტი გაიმართება. მათი ვიზიტის მიზანია საქართველოში არსებული საინვესტიციო და ბიზნეს გარემოს კლიმატის შესწავლა", - განაცხადა კალანდაძემ.
მისი ინფორმაციით, საქართველოში როგორც სამთავრობო დელეგაცია, ასევე ამერიკელი ბიზნესმენები ჩამოვლენ, რომლებიც ქვეყანაში ინვესტიციების განხორციელებით არიან დაინტერესებული.
ბიზნეს სამიტი 8 სექტემბერს თბილისში, სასტუმრო "თბილისი-მარიოტში" გაიხსნება, რომელზეც განხილულ იქნება საკითხები შემდეგ თემებზე: ენერგეტიკა, ინფრასტრუქტურა, ფინანსური რესურსები, თანამშრომლობის პერსპექტივები ტურიზმის, ჯანდაცვის, სოფლის მეურნეობისა და სხვა დარგებში.
ღონისძიების ფარგლებში, ასევე იგეგმება საქართველოს საპორტო ქალაქების - ფოთისა და ბათუმის მონახულება. აღნიშნულ ბიზნეს სამიტს, აშშ-ს სავაჭრო პალატა საქართველოში ამერიკის საელჩოსთან თანამშრომლობით მართავს.
