აჭარის ფინანსთა და ეკონომიკის მინისტრის მოადგილედ თინა ზოიძე და არჩილ ვანაძე დაინიშნენ. ახალი მოადგილეები მინისტრმა თანამშრომლებს წარუდგინა.
„ქალბატონი თინა არის თავისი საქმის პროფესიონალი. ჩვენი გუნდისთვის მისი გამოცდილების გაზიარება იქნება ძალიან სასარგებლო. ის არის საუკეთესო იურისტი და ამავე დროს ქონების მართვის კუთხით აქვს მუშაობის ძალიან დიდი გამოცდილება. დარწმუნებული ვარ მასთან ერთად არაერთ ეფექტურ ნაბიჯს გადავდგამთ.
ბატონი არჩილი სამინისტროში საბიუჯეტო მიმართულებით გააგრძელებს საქმიანობას. მას საზოგადოება კარგად იცნობს. როგორც იცით ის წლების განმავლობაში საფინანსო-საბიუჯეტო მიმართულებით წამყვან პოზიციებზე მუშაობდა და დღეიდან ასევე ეფექტურად გააგრძელებს აჭარის ფინანსთა და ეკონომიკის სამინისტროში საბიუჯეტო პროცესების მართვას“ - განაცხადა ჯაბა ფუტკარაძემ.
