ბათუმში, გამსახურდიასა და კოსტავას ქუჩების კვეთაში უცნობმა პირებმა ავტომობილი გაქურდეს.
აჭარის ტელევიზიის ინფორმაციით, მანქანიდან წაღებულია ფული, ძვირადღირებული ტექნიკა და სხვა ნივთებიც.
დაზარალებული ამბობს, რომ აღნიშნულ ტერიტორიაზე ავტომობილი ღამით გააჩერა, დილით მისულს კი, გაქურდული დახვდა.
მოქალაქემ სამართალდამცველები გამოიძახა. მიმდინარეობს გამოძიება.
