აშშ-ის პრეზიდენტი დონალდ ტრამპი და რუსეთის ლიდერი ვლადიმერ პუტინი შესაძლოა კვლავ შეხვდნენ ერთმანეთს, ჰელსინკშ გამართული ანალოგიური სამიტის მსგავსად. შეხვედრის ინიციატივით ამერიკული მხარე გამოდის.
ორი ქვეყნის ლიდერებს შორის მოლაპარაკებები შესაძლებელია ვაშინგტონში 2018 წლის ბოლოს შედგეს.
ცნობისთვის, ამერიკისა და რუსეთის ლიდერების პირველი შეხვედრა შედგა 16 ივლისს ჰელსინკში. პრეზიდენტებმა ილაპარაკეს სირიისა და უკრაინის სიტუაციაზე, ასევე ბირთვული განიარაღების პერსპექტივებზე.
