აშშ-ის პრეზიდენტმა დონალდ ტრამპმა სასტიკად გააკრიტიკა გერმანიის კანცლერი ანგელა მერკელი არასაკმარისი თავდაცვის ხარჯების გამო.
მონტანაში გამართულ აქციაზე, დონალდ ტრამპმა განაცხადა, რომ გერმანიას, როგორც ევროკავშირის ყველაზე დიდ ქვეყანას გააჩნია დაუშვებლად მცირე წილი საკუთარ ბიუჯეტში თავდაცვის ხარჯებისთვის. მისი აზრით ძირითადი დატვირთვა ევროკავშირის ქვეყნების და გერმანიის უსაფრთხოების გარანტიაზე, სწორედ აშშ-ზე მოდის.
"შემდეგ კი ისინი მიდიან და უხდიან რუსეთს მილიარდებს გაზისა და ნავთობის გარიგებებისთვის და ჩვენ, როგორც სრული კრეტინები ყველა გადასახადს ვიხდით“ - ციტირებს ტრამპის სიტყვებს პორტალი Breitbart-ი.
მანამდე, აშშ-ის პრეზიდენტმა ბრიუსელის ნატოს სამიტის წინ, ევროკავშირის რიგი ქვეყნების ლიდერებს წერილები გაუგზავნა. სადაც ის ახსენებდა უსაფრთხოების ხარჯების გაზრდის აუცილებლობის შესახებ. მან აღნიშნა, რომ აშშ-ში გადასახადის გადამხდელებს არ ესმით, ზოგიერთი ევროპული ქვეყანა რატომ არ ასრულებს თავიანთ ვალდებულებას უსაფრთხოების სფეროში.
