აშშ-ის პრეზიდენტმა დონალდ ტრამპმა იმედი გამოთქვა, რომ მის ქვეყანას არასოდეს მოუწევს შეიარაღებული ძალების გამოყენება, რომლის აღდგენაზეც ასობით მილიარდი დოლარი იხარჯება.
"ჩვენ ვზრუნავთ ამერიკის უსაფრთხოებისთვის, რათა ავაღორძინოთ ჩვენი შეიარაღებული ძალები. ამ წელს ჩვენ წარმოვადგინეთ რეკორდული - 700 მილიარდი დოლარი ჩვენი ჯარისთვის. მომავალ წელს 716 მილიარდ დოლარს ჩავდებთ, რაც უფრო მეტია ვიდრე ოდესმე. ჩვენ უნდა აღვადგინოთ ჩვენი შეიარაძებული ძალები და გავხდით მათ იმდენად მასშტაბურს, ძლიერსა და უძლეველს ვიდრე ოდესმე ყოფილა. მე იმედი მაქვს, რომ არასოდეს მოგვიწევს მათი გამოყენება“ - განაცხადა ამერიკის პრეზიდენტმა დამოუკიდებლობის დღისადმი მიძღვნილ ცერემონიაზე. მისი სიტყვები ასევე გამოქვეყნებული იყო თეთრი სახლის ოფიციალურ გვერდზე.
ამერიკელმა ლიდერმა აღნიშნა, რომ "რაც უფრო ძლიერდება აშშ მით უფრო ნაკლებია იმის შესაძლებლობა, რომ ჩვენ მოგვიწევს მისი გამოყენება. ვიმედოვნებთ, რომ ჩვენ არასოდეს მოგვიწევს ჩვენი შესანიშნავი ძალების დემონსტრირება, რომელიც სწორედ აქ იქმნება- საუკეთესო მსოფლიოში“ - დასძინა მან.
