უკრაინის უმაღლესმა სასამართლომ უარი განაცხადა დაეკმაყოფილებინა რუსული შოუ ბიზნესის წარმომადგენლის, მომღერალ ნატაშა კარალიოვას სარჩელი. უკრაინის უსაფრთხოების სამსახურმა მას აუკრძალა უკრაინის ტერიტორიაზე შესვლა. ამის შესახებ ინფორმაციას უკრაინის სასამართლო ინსტანცია ავრცელებს.
მომღერალი, რომელსაც 2016 წლის შემოდგომაზე უკრაინის უსაფრთხოების სამსახურის მიერ აეკრძალა უკრაინაში შესვლა, ახლა უკვე სასამართლოს დადგენილებით საბოლოოდ ჩამოერთვა თავისი მშობლიური ქალაქის, კიევის მონახულების უფლება.
მომღერალი აპროტესტებდა კიევის საოლქო ადმინისტრაციული სასამართლოსა და კიევის სააპელაციო ადინისტრაციული სასამართლოს გადაწყვეტილებას, რომლებმაც უკრაინის უსაფრთხოების სამსახურის აკრძალვა კანონიერად აღიარეს.
ცნობისთვის, ეს ხდება მისი ყირიმის ვიზიტის გამო, რაც ნიშნავს რუსული აგრესიის მხარდაჭერას და დონეცკის და ლუგანსკის სახალხო რესპუბლიკების აღიარებას.
შავ სიაში უკრაინის ხელისუფლებამ შეიყვანა ისეთი მსახიობები და მომღერლები როგორიცაა - ლოლიტა მილიავსკაია, ნატაშა კარალიოვა, იულია სამოილოვა, მიხაილ ბოიარსკი და სხვა.
