საკრედიტო საგარანტიო ფონდში თანაბარწილად იქნებიან წარმოდგენილნი სახელმწიფო (1/3), კომერციული ბანკები (1/3) და საერთაშორისო საფინანსო ორგანიზაციები (1/3) - ახალი ფონდის ასეთ დიზაინს განიხილავს მთავრობა, რომელმაც რეფორმის დაწყებაზე უკვე განაცხადა.
ეკონომიკის მინისტრის თქმით, დიზაინზე უკვე აქტიური მუშაობა მიმდინარეობს. ფონდში საერთაშორისო ინსტიტუტების და მათ შორის, ევროკავშირის ჩართვა საუკეთესო მართვის მოდელის შესაქმნელად განიხილება.
„მცირე და საშუალო ბიზნესის ფინანსებზე ხელმისაწვდომობის ნაწილში, ერთ-ერთი მნიშვნელოვანი პრობლემა, რაც იდენტიფიცირებულია, უზრუნველყოფის ქონა. ჩვენ შევისწავლეთ არაერთი ქვეყნის მაგალითი. ერთ-ერთი გადაწყვეტა, რომელიც აპრობირებულია და აქვს კარგი შედეგი, არის საკრედიტო-საგარანტიოფონდის მექანიზმი. მისი ძირითადი ამოცანაა, ფონდმა მისცეს თანაუზრუნველყოფაბანკებს,როცა მცირე და საშუალო ბიზნესი მიდის სესხის ასაღებად“, - აღნიშნა დიმიტრი ქუმსიშვილმა.
პირველი ვიცე-პრემიერის თქმით, ფონდის ბიუჯეტი განისაზღვრება ტექნიკურ-ეკონომიკური კვლევის შემდეგ.
მან მოიხმო სხვა ქვეყნების მაგალითები. აღნიშნა, რომ გასულ წელს თურქეთის 7%-იან ზრდაში 2% სწორედ საკრედიტო - საგარანტიო სქემის დამსახურება იყო.
ამასთან, მსგავსი ფონდები ევროპაში 26 ქვეყანაშია დანერგილი.
