რეინტეგრაციის საკითხებში სახელმწიფო მინისტრი, თემურ იაკობაშვილი მიიჩნევს, რომ საქართველოს პრეზეიდენტი მიხეილ სააკშვილი კოლუმბიაში ახლადარჩეული პრეზიდენტის ინაუგურაციაზე აუცილებლად უნდა წავიდეს. მისი ინფორმაციით, სააკაშვილი კოლუმბიაში გამგზავრებას გეგმავს. ამის შესახებ იაკობაშვილმა მთავრობის სხდომის დაწყების წინ, ჟურნალისტებთან საუბარში განაცხადა.
"ჩემი აზრით, პრეზიდენტი სააკაშვილი აუცილებლად უნდა წავიდეს კოლუმბიაში იმიტომ, რომ ლათინური ამერიკა ჩვენთვის მნიშვნელოვანი პარტნიორია მინიმუმ საქართველოს ოკუპირებული ტერიტორიების არაღიარების საკითხებში. ასევე, ეს არის კარგი შესაძლებლობა ინაუგურაციაზე სხვა პრეზიდენტებთან შეხვედრის, სადაც არამხოლოდ ლათინური ამერიკის, არამედ სხვა ქვეყნის პირველი პირებიც იქნებიან", - განაცხადა იაკობაშვილმა მთავრობის სხდომის დაწყების წინ
მისივე შეგფასებით, პატარა ქვეყნებმა ასეთ შესაძლებლობაზე უარი არასდროს არ უნდა თქვან.
როგორც ცნობილია, საქართველოს პრეზიდენტი მიხეილ სააკაშვილი 7 აგვისტოს, კოლუმბიის ახლადარჩეული პრეზიდენტის ხუან მანუელ სანტოს კალდერონის ინაუგურაციაზეა მიწვეული. ინაუგურაციის საზეიმო ცერემონიალი კოლუმბიის დედაქალაქ ბოგოტაში 7 აგვისტოს გაიმართება.