საქართველოში სამუშაო ვიზიტით მყოფი ამერიკელი კონგრესმენების თანაშემწეები ოფიციალურ შეხვედრებს დღეიდან იწყებენ. ისინი საქართველოს გუშინ ღამით ეწვივნენ.
უცხოელი სტუმრები პირველ შეხვედრას ამერიკის შეერთებული შტატების საელჩოს წარმომადგენლებთან გამართავენ, შემდეგ კი დაგეგმილია მოლაპარაკებები საპარლამენტო უმრავლესობისა და უმცირესობის წევრებთან.
აშშ-ს სახელმწიფო აპარატის თანამშრომლები აღმასრულებელი ხელისუფლების წარმომადგენლებსაც შეხვდებიან. დელეგაციის წევრები დევნილებით დასახლებულ სოფლებში ჩასვლასა და კონფლიქტურ ზონებში არსებული ვითარების ადგილზე გაცნობას გეგმავენ. სტუმრები შეხვდებიან ასევე არასამთავრობო ორგანიზაციის წარმომადგენლებს, არასაპარლამენტო ოპოზიციას, ევროკავშირის მონიტორინგის მისიის ხელმძღვანელ ჰანსიორგ ჰაბერს და დაათვალიერებენ კახეთს, ესტუმრებიან დევნილებით დასახლებულ სოფლებს და იქ არსებულ ვითარებას ადგილზე გაეცნობიან, ეწვევიან მცხეთას და ოკუპაციის მუზეუმს.
ამერიკელი კონგრესმენების თანაშემწეები საქართველოს 7 აგვისტოს დატოვებენ.
