დღეიდან, 2 აგვისტოდან "ეროვნული ფორუმის" ლიდერები საქართველოს სხვადასხვა რაიონში მოსახლეობასთან შეხვედრებს გამართავენ. პირველი შეხვედრები გორის რაიონში გაიმართება.
დღეს, 13:00 საათზე „ეროვნული ფორუმის" თავმჯდომარე კახაბერ შარტავა, იდეოლოგიური მდივანი გუბაზ სანიკიძე და გენერალური მდივანი რევაზ შავიშვილი გორის რაიონის სოფელ ზემო ნიქოზის, ხოლო 15 საათზე სოფელ ზემო ხვითის მოსახლეობას შეხვდებიან.
შეხვედრები გორის რაიონში 3 აგვისტოსაც გაგრძელდება. 3 აგვისტოს ზეგ მოსახლეობასთან შეხვედრები 15 საათზე სოფელ ერგნეთში, ხოლო 18 საათზე ქალაქ გორში თეატრის წინ გაიმართება.
შეხვედრების მიზანია, მოსახლეობას გავაცნოთ „ეროვნული ფორუმის" სამოქმედო გეგმა, რომელიც 25 ივნისს პირველ პარტიულ კონფერენციაზე წარვადგინეთ, ამასთან, მივაწოდოთ ინფორმაცია იმ ინიციატივებზე, რომელიც „ფორუმმა", სხვა პოლიტიკურ ორგანიზაციებთან ერთად, საარჩევნო გარემოს გაუმჯობესებასთან დაკავშირებით განახორციელა და ჩავაყენოთ მოსახლეობა საქმის კურსში ჩვენი შემოდგომის გეგმებთან დაკავშირებით.