ანატოლი ბიბილოვის განცხადება აბსოლუტურად მიუღებელია, ყველა საერთაშორისო ნორმასა და სტანდარტს ეწინააღმდეგება, - ამის შესახებ ფრაქცია “ქართული ოცნების” თავმჯდომარე მამუკა მდინარაძემ ე.წ. სამხრეთ ოსეთის დე ფაქტო პრეზიდენტის ანატოლი ბიბილოვის განცხადებასთან დაკავშირებით აღნიშნა.
მისი თქმით, ქართული სახელმწიფო ყველაფერს აკეთებს, რათა არჩილ ტატუნაშვილის ცხედარი თავის ოჯახში რაც შეიძლება მოკლე დროში გადმოასვენონ.
"ნამდვილად ვერ გეტყვით, ე.წ. პრეზიდენტს რა მიზანი ამოძრავებს, როცა ამ განცხადებას აკეთებს. უფრო მნიშვნელოვანია, რომ ჩვენ იგივე მოლოდინები გვაქვს, რადგან ყველაფერს ვაკეთებთ, ცხედრის ჩვენს კონტროლირებად ტერიტორიაზე გადმოსვენებისთვის. იგივე მოლოდინში იმას ვგულისხმობ, რომ ცხედრის გადმოსვენებას უახლოეს მომავალში ველოდებით", – განაცხადა მამუკა მდინარაძემ.
ცნობისთვის, ე.წ. სამხრეთ ოსეთის დე ფაქტო პრეზიდენტის, ანატოლი ბიბილოვის განცხადებით, ასეთ მოკლე დროში არჩილ ტატუნაშვილის ცხედრის გადაცემა შეუძლებელია.