ჟენევის საერთაშორისო მოლაპარაკებათა მორიგმა რაუნდმა კიდევ ერთხელ ნათლად დაადასტურა, რომ ქართული მხარის პოზიცია კვლავინდებურად არაკონსტრუქციულობით გამოირჩევა. ამ განცხადებას რუსეთის საგარეო საქმეთა სამინისტრო აკეთებს.
რუსეთის საგარეო უწყება განიხილავს რა ჟენევის საერთაშორისო მოლაპარაკებათა მე-12 რაუნდს ასევე აცხადებს, რომ ქართულ დელეგაციას კვალავაც ჯიუტად არ აქვს სურვილი რეგიონში მშვიდობისა და უსაფრთხოების დამყარებისკენ მიმართული ნაბიჯების გადადგმისკენ.
"სწორედ ამ კონტექსტში უნდა განიხილოს ქართული დელეგაციის მიერ წარმოდგენილი გაეროს გენერალური ასამბლეის პროექტი "აფხაზეთსა და ე.წ. სამხრეთ ოსეთიდან ლტოლვილი და იძულებით გადაადგილებული პირების შესახებ"", _ იუწყება რუსეთის საგარეო უწყება და აღნიშნავს, რომ თბილისის მიერ ამ აქციის დემონსტრაცია ნეგატიურად აისახა ჟენევის შეხვედრის ატმოსფეროზე (უპირველეს ყოვლისა ჰუმანიტარულ ჯგუფზე) რაც ნამდვილად არ უწყობს ხელს კავკასიაში საერთო მდგომარეობის ნორმალიზებას.
შეგახსენებთ, რომ 27 ივლისს ჟენევის საერთაშორისო მოლაპარაკებათა მე-12 რაუნდი გაიმართა. რომლის ერთადერთი შედეგი მე-13 რაუნდის ჩატარებაზე შეთანხმების მიღწევა იყო.
