პარიზი შეშფოთებულია ირანის სარაკეტო პროგრამით. იგი აცხადებს, რომ საჭიროა ზომების მიღება, რათა ეს არ იქცეს საფრთხედ რეგიონში სისტემის უსაფრთხოებისთვის. განაცხადა საფრანგეთის საგარეო საქმეთა მინისტრმა ჟან-ივ ლე დრიანმა. ამ საკითხთან დაკავშირებით ის თეირანს 5 მარტს ეწვევა.
„რაც შეეხება ბალისტიკურ რაკეტებს, საუბარია ირანზე, ჩვენ ეს სიტუაცია ძალზე გვაწუხებს. მე მალე ვეწვევი თეირანს“ - განაცხადა მინისტრმა თავის რუს კოლეგასთან შეხვედრის შემდეგ.
„მე მკაფიოდ ვეტყვი თეირანის ხელისუფლებას, რომ პირველ რიგში ეს არის მოლაპარაკება და აუცილებელია მისი შესრულება და მეორე, ეს არის რისკი და აუცილებელია გატარდეს ყველაფერი მისი თავიდან ასაცილებლად. რადგან ამ საფრთხეს შეუძლია ძირი გამოუთხაროს რეგიონში უსაფრთხოებას“ - დასძინა ლე დრიანმა.
თეირანმა ირანის ბირთვული პროგრამის შეთანხმების შემდეგ 2015 წელს რამდენჯერმე ჩაატარა ბალესტიკური რაკეტების ცდა. მათ შორის 2017 წელს ახალი ბალესტიკური რაკეტის წარდგენაც მოახდინა.
ზოგიერთი ქვეყანა, მათ შორის დასავლეთში შეშფოთებას გამოთქვამს ირანის სარაკეტო პროგრამის მიმართ. ირანში ერთმნიშვნელოვნად ხაზს უსვამდნენ, რომ სარაკეტო პროგრამა ატარებს თავდაცვით ხასიათს და არ არის მიმართული სხვა ქვეყნების წინააღმდეგ. აღნიშულია რომ თეირანი არ აპირებს განიხილოს ვინმესთან, ქვეყნის თავდაცვასთან დაკავშირებული საკითხი.
