აშშ არ აღიარებს აფხაზეთისა და ე.წ. სამხრეთ ოსეთის დამოუკიდებლობას. განაცხადა აშშ-ს ელჩმა რუსეთში ჯონ ბაიერლიმ.
მისივე თქმით, მიუხედავად ამისა, ეს ხელს არ უშლის მოსკოვსა და ვაშინგტონს შორის სხვა სფეროებში ურთიერთობების დამყარებას.
"ჩვენ არასოდეს დაგვიმალავს, რომ არასოდეს ვაღიარებთ აფხაზეთისა და ე.წ. სამხრეთ ოსეთის დამოუკიდებლობას. ამ საკითხში რა თქმა უნდა ჩვენ და რუსეთს აზრთა სხვადასხვაობა გვაქვს, მაგრამ ეს ხელს არ უშლის ჩვენი პოზიტიური დიალოგის გაგრძელებას სხვა სფეროებში", _ განაცხადა ბაიერლიმ მოსკოვში გამართულ პრესკონფერენციაზე.
მან ასევე აღნიშნა ჟენევაში მიმდინარე კავკასიის სტაბილურობისკენ მიმართული პოლიტიკური კონსულტაციების მნიშვნელობა.
"მოხარულნი ვართ, რომ მხარებს აქვთ საშუალება შეხვდნენ. ეს ძალიან პოზიტიურად მიგვაჩნია", _ განაცხადა ბაიერლიმ.
