ევროკავშირის საბჭომ მოიწონა გადაწყვეტილება საქართველოში ევროკავშირის დამკვირებლებისთვის მანდატის კიდევ ერთი წლით 2011 წლის 14 სექტემბრამდე გაგრძელების შესახებ, _ ამის შესახებ ნათქვამია ევროკავშირის ოფიციალურ საიტზე გამოქვეყნებულ ინფორმაციში.

ინფორმაციაში განმარტებულია, რომ დამკვირებელთა მისიამ უნდა უზრუნველყოს "ექვსპუნქტიანი შეთანხმების" სრული შესრულება, მისი საქართველოს სრულ ტერიტორიაზე ეტაპობრივი გავრცლებით.

ევროკავშირის დამკვირებელთა მისია მოწოდებულია უზრუნველყოს "სამოქალაქო კონტროლი მხარეთა ქმედებებზე, მათ შორის "ექვსპუნქტიანი შეათნხმების" სრული დაცვა და მისი თანდათანობითი გავრცელება საქართველოს მთელ ტერიტორიაზე", _ ნათქვამია გავრცელებულ ინფორმაციაში.

შეგახსენებთ, ევროკავშირის მონიტორინგის კომისია საქართველოში მუშაობას ოფიციალურად 2008 წლის აგვისტოს ომის შემდეგ, ამავე წლის 1-ლი ოქტომბრიდან შეუდგა. მისიის შემადგენლობაში ევროკავშირის 22 წევრი ქვეყნიდან 200-ზე მეტი შეუიარაღებელი დამკვირვებელი შედის. ევროკავშირის სადამკვირებლო მისიის მოქმედების არეალი ვრცელდება საქართველოს ხელისუფების მიერ კონტროლირებად ტერიტორიებზე. რუსეთი, სეპარატისტული აფხაზეთი და ე.წ. სამხრეთ ოსეთი კატეგორიულად ეწინააღმდეგებიან ოკუპირებულ ტერიტორიებზე დამკვირებელთა მისიის მოქმედებას.