ნატოს ყოფილმა გენერალურმა მდივანმა, ანდრეს ფოგ რასმუსენმა თანამდებობა ლატვიაში, ,, რუსულ“ ბანკში მიიღო, - ამის შესახებ ინფორმაციას „ინფორმნაპალმი“ ავრცელებს. რასმუსენი ბანკ Norvik Banka-ის საბჭოს თავმჯდომარის მოადგილედ დაინიშნა.
ბანკის მფლობელი რუსი ბანკირი გრიგორი გუსელნიკოვია. მისი გავლენის სფეროში ასევე შედის „ვიატკა ბანკი“. ცოტა ხნის წინ ეს ბანკი ბელარუსებთან ერთად ცდილობდა გამოესყიდა „სბერბანკის“ უკრაინის ფილიალი. ამის უკან კი რუსი ოლიგარქის მიხაილ გუცერიევის სტრუქტურები იდგა, რომელიც აკონტროლებს „რუსნეფტს“, „ბინბანკსა“ და „ელდორადოს“. გარკვეული დროის განმავლობაში გუსელნიკოვი გუცერიევთან მუშაობდა.
