სტამბოლში ტერორიზმის ბრალდებით 82 ადამიანი დააკავეს. ანტიტერორისტული ოპერაციის ფარგლებში დაკავებულთა შორის 77 უცხო ქვეყნის მოქალაქეა. დაკავებულებს ტერორისტულ ორგანიზაცია „ისლამურ სახელმწიფოსთან“ კავშირში ადანაშაულებენ. დაკავებულთა შორის არიან, პაკისტანის, ავღანეთის, ჩრდილოეთ აფრიკისა და სპარსეთის ყურის ქვეყნების მოქალაქეები, ასევე ჩეჩნები, რომელთა მოქალაქეობა უცნობია.
ადგილობრივი მედიის ცნობით, ჩხრეკის დროს სამართალდამცველებმა აღმოაჩინეს დოკუმენტები, რომლებიც დაკავებულების „ისლამურ სახელმწიფოსთან“ კავშირს ამტკიცებს, ისინი სტამბოლში ტერორისტულ თავდასხმებს გეგმავდნენ.
