მთავარი პრობლემა გარემოს დაცვის თანამშრომლების ფსიქოლოგიაში დევს, _ განაცხადა საქართველოს პრეზიდენრტმა მიხეილ სააკაშვილმა გარემოს დაცვისა და ბუნებრივი რესუსრების სამინისტროში გამართუილ შეხვედრაზე, რომელზეც მინისტრ გოგა ხაჩიძესთან ერთად, დეპარტამენტების ხელმძღვანელებიც იმყოფებოდნენ.
მისი თქმით, ფსიქოლოგია უკვე გამოიცვალეს შს სამინისტროს და საჯარო რეესტრის თანამშრომლებმა, რაც მათ მუშაობაზეც აისახება. პრეზიდენტის განცხადებით, ტყე დიდი ინდუსტრიაა და მისი საქართველოს ეკონომიკის სასარგებლოდ გამოყენება უნდა მოხდეს. ამისათვის კი, ამ სექტორში ფსიქოლოგიის შეცვლა და რეფორმირებაა აუცილებელი.
"მე ვხედავ მთავარ პრობლემას, რომ ფსიქოლოგია ვერ გამოიცვალეს. ფსიქოლოგია გამოიცვალეს პოლიციელებმა, საჯარო რეესტში, ადგილობრივ მართველობის და ცენტრალურ ორგანიებში და ამ ტყეებში ვერ გამოიცვალეს. ტყე არის დიდი ინდუსტრია. როცა ადამიანი მოდის უნდა ჩავიხუტოთ და ხელისგულზე ვატაროთ, რადგან ყველა ვინც ასაქმებს ხალხს და საქართველოს ეკონომიკაში ფული შეაქვს არის ჩვენი მეგობარი. იმდენად დიდია კონკურენცია, რომ უნდა ვიყოთ მოქნილები და გახსნიელები. ამიტომ ეს არის მთავრი ამოცანა, რომ მოხდეს ამ სექტორის ფსიქოლოგიის შეცვლა და რეფორმირება", - აღნიშნა პრეზიდენტმა.
