თბილისის საქალაქო სასამართლოში დასრულდა ხორავას ქუჩაზე მომხდარი მკვლელობის საქმეზე ბრალდებულ არასრულწლოვანთა სასამართლო პროცესი. დღეს მტკიცებულებათა გამოკვლევის ეტაპი იყო, რისი დასრულებაც მხარეებმა ვერ მოასწრეს და პროცესი ხვალისთვის გადაიდო.
საქმეზე ერთ-ერთი ბრალდებულის ადვოკატის, ტარიელ კაკაბაძის განცხადებით, მისი დაცვის ქვეშ მყოფი სასამართლოს არსებითი განხილვის დროს ჩვენებას მისცემს.
„დღეს ორივე მხარემ საკუთარი მტკიცებულებები წარმოვადგინეთ, ვიშუამდგომლეთ მტკიცებულებათა დაშვება და სასამართლო ამასთან დაკავშირებით გადაწყვეტილებას ხვალ გამოაცხადებს. ვინაიდან, დღეს წინასასამართლო სხდომა იყო, ბრალდებულებს ჩვენებები არ მიუციათ, თუმცა ბრალდებული სასამართლოს არსებითი განხილვის დროს ჩვენებას მისცემს. რაც შეეხება აღკვეთის შუამდგომლობით გადასინჯვას, ჩვენ ეს შუამდგომლობა არ დაგვიყენებია, ვინაიდან, მიგვაჩნია, რომ სტრატეგიულად ეს არასწორი იქნებოდა. ამ ეტაპზე, მტკიცებულებათა შინაარსში ვერ შევალ, ამას კანონი მიკრძალავს“,- განაცხადა ადვოკატმა ტარიელ კაკაბაძემ.