"ადამიანის უფლებებების სწავლებისა და მონიტორინგის ცენტრმა (EMC) სტარბურგის სასამართლოს სარჩელით მიმართა, საქართველოს სახელმწიფოს მხრიდან დუშეთის მუნიციპალიტეტის სოფელ ვეძათხევში, მეწყრული საშიშროების მაღალი რისკის ზონაში მცხოვრები ორი ოჯახის სიცოცხლის დაცვის ვალდებულების შეუსრულებლობის შესახებ.
EMC-ის ინფორმაციით, სახელმწიფომ 2015 წელს სიცოცხლისთვის არსებული საფრთხის გამო, სოფლიდან 8 ოჯახი გაასახლა, თუმცა გარკვეული მიზეზების გამო, გასახლებაზე უარი ეთქვა ორ ოჯხას.
"სახელმწიფომ 2015 წელს სწორედ სიცოცხლისთვის არსებული საფრთხის გამო, სოფლიდან გაასახლა 8 ოჯახი, თუმცა, განსახლებაზე უარი უთხრა ნაბისი ზვიადაურის ერთსულიან, ასევე ვეფხვია არდოტელისა და ლია ზვიადაურის ოჯახებს. სოფელში არსებული საშიშროების გამო, ვეფხვია არდოტელის და ლია ზვიადაურის შვილები დროებით ცხოვრობენ ჟინვალში დეიდის სახლში. აღნიშნულ გარემოებებზე დაყრდნობით, EMC, როგორც განმცხადებლების წარმომადგენელი, ევროპულ სასამართლოს მიმართავს კონვენციის მე-2 (სიცოცხლის უფლება), მე-8 (პირადი და ოჯახური ცხოვრების უფლება) და მე-13 (უფლება დაცვის სამართლებრივ მექანიზმებზე) მუხლების დარღვევის დადგენის მოთხოვნით", - აცხადებენ EMC-ში.
