” წუხელ დავსხედით მთელი ოჯახი, მეუღლესთან და ჩემს ქალიშვილთან ერთად გავიხსენე მთავრობის მიერ ჩადენილი უსასტიკესი დანაშაული... გასროლის შემდეგ ჩემი უფროსი ქალიშვილი ზედა სართულზე იყო. კარები რომ შეამტვრიეს და სროლა მოახდინეს, ბავშვი ამას უყურებდა. ამ დროს ხმა ამოდიოდა, რომ სპეცრაზმელები ერთმანეთს აგინებდნენ და იარაღის წართმევას ცდილობდნენ“, - აცხადებს მალხაზ მაჩალიკაშვილი.
მისი განმარტებით, სპეცრაზმელებს ტელეფონი ხელყუმბარა ეგონათ და სწორედ ამის გამო ესროლეს მის შვილს.
„ყოველთვის ვიძახდი, რომ მათ ტელეფონი ხელყუმბარაში აერიათ და იმიტომ განახორციელეს სროლა. ამის გამო კი ერთმანეთში დაიწყეს დავა. ამაში ვარ დარწმუნებული და ვთხოვ სახელმწიფოს, ნუ აღიზიანებენ ხალხს და თქვან სიმართლე, თუ არადა, ამას მე მაინც დავამტკიცებ. მოვითხოვ, ჩემს შვილს დაზარალებულის სტატუსი მიანიჭონ”, - განაცხადა მალხაზ მაჩალიკაშვილმა.
შეგახსენებთ, რომ 19 წლის თემრილან მაჩალიკაშვილი სუს-ის მიერ სოფელ დუისში ჩატარებული სპეცოპერაციისას თავის არეში დაიჭრა. ის ამ დრომდე საავადმყოფოში, მძიმე მდგომარეობაში იმყოფება. მას უახლოეს პერიოდში სავარაუდოდ, ვსტრიის ერთ-ერთი ცნობილ კლინიკაში გადაიყვანენ.