„ამ ეტაპზე დეტალებზე ვერ ვისაუბრებ. თუმცა, შემიძლია გითხრათ, რომ მაჩალიკაშილი სროლის დროს ფეხზე ნამდვილად არ იდგა, არც წამოდგომის ფაქტს ჰქონია ადგილი“, - განუცხადა „ჯი-ეიჩ-ენს“ დამოუკიდებლემა ექსპერტმა, მაია ნიკოლეიშვილმა.
მან თემირლან მაჩალიკაშვილის საცხოვრებელი სახლი გუშინ დაათვალიერა. როგორც ექპერტი აღნიშნავს, სრული სურათის აღსადგენად და ტყვიის მოძრაობის ტრაექტორიის განსასაზღვრად კიდევ რამდენიმე დეტალის დაზუსტებაა საჭირო.
„ღაღაც-რაღაცეები გვაკლია, რაღაცეების დაზუსტება გვჭირდება. შემთხვევის ადგილის ფოტოები, ბალიშია სანახავი, რაღაცეების აწყობა, ასევე ბალისტიკოსთან კონსულტაცია გვჭირდება“, - აცხადებს ნიკოლეიშვილი.
ის საქმეში მაჩალიკაშვილის ოჯახის მოთხოვნით ჩაერთო. მთავარ კითხვაზე, ესროლეს თუ არა მაჩალიკაშვილს საწოლში მძინარეს და დამიზნებით, ნიკოლეიშვილი შეეცდება თავის დასკვნაში გასცეს პასუხი.
სპეცოპერაციის დროს, ეჭირა თუ არა მაჩალიკაშვილს ხელყუმბარა, ექსპერტის განცხადებით, ამ კითხვაზე პასუხი მის კომპეტენციას ცდება.
შეგახსენებთ, რომ 19 წლის თემრილან მაჩალიკაშვილი სუს-ის მიერ სოფელ დუისში ჩატარებული სპეცოპერაციისას თავის არეში დაიჭრა. ის ამ დრომდე საავადმყოფოში, მძიმე მდგომარეობაში იმყოფება. მას უახლოეს პერიოდში სავარაუდოდ, ავსტრიის ერთ-ერთი ცნობილ კლინიკაში გადაიყვანენ.
