თბილისის სააპელაციო სასამართლოში დეკანოზ გიორგი მამალაძის საქმის განხილვა რამდენიმე წუთის წინ დასრულდა.
საქმის პროკურორის, ზვიად გუბელაძის განცხადებით, ბრალდების მხარემ სასამართლოს კიდევ ერთხელ დაუმტკიცა, რომ ბრალდებული შორენა თეთრუაშვილის მკვლელობას ამზადებდა, ანგარების მოტივით.
„თბილისის სააპელაციო სასამართლომ დაცვის მხარის არცერთი შუამდგომლობა არ დააკმაყოფილა .
ქალბატონ ნონა თოდუას დაკითხვის შუამდგომლობის შესახებ, მოსამართლემ განმარტა, რომ მიზანშეწონილად არ მიაჩნდა „სასამართლოს მეგობრის“ სასამართლოში გამოძახება და მისთვის შეკითხვების დასმა.
რაც შეეხება სახალხო დამცველის მონიტორინგის შედეგებს სასამართლომ ცალსახად განმარტა, რომ ეს არ არის მტკიცებულება, რომელსაც შესაძლოა, სასამართლო დაეყრდნოს და განაჩენის ნაწილში გამოიყენოს. ამის შემდეგ ჩვენც და დაცვის მხარეც შესავალი სიტყვებით წარვდექით.
ბრალდების მხარემ სააპელაციოს სასამართლოს კიდევ ერთხელ დავუმტკიცეთ და განვუმარტეთ, რომ გიორგი მამალაძე ამზადებდა შორენა თეთრუაშვილის მკვლელობას, ანგარების მოტივით. მიგვაჩნია, რომ სააპელაციო სასამართლო ერთადერთ სწორ და სამართლიან გადაწყვეტილებას მიიღებს და გიორგი მამალაძეს დამნაშავედ ცნობს, ანგარებით, განზრახ მკვლელობის მომზადებ“, - განაცხადა პროკურორმა.
