„ინფორმაციის თავისუფლების აქტი პარლამენტს თებერვალში წარედგინება", − ამის შესახებ იუსტიციის მინისტრმა, თეა წულუკიანმა გაერთიანებული კომიტეტების სხდომაზე განაცხადა.
მისივე თქმით, იგეგმება სისხლის სამართლის მატერიალური კოდექსის ევროპულ სტანდარტებთან მოყვანა.
"პროექტი მზად არის და პარლამენტის ჩართულობით იქნება კონსულტაციები იმისთვის, რომ ჩვენ მომავალ წელს შევძლოთ ამ კოდექსში ცვლილებების შეტანა. ინფორმაციის თავისუფლების აქტი პროექტის სახით მზად არის. მინდა, ყველას, ვინც ჩვენთან ერთად მუშაობდა კონსტიტუციის მე-18 − ევროპული სტანდარტის მუხლზე − დეპუტატებს, შინაგან საქმეთა სამინისტროს, პროკურატურას, სუს-ს, სასამართლოს, მადლობა გადავუხადო. ამან გზა გაუხსნა ინფორმაციის თავისუფლების აქტს. ეს არის ჩვენი, „OGP"-ისა და ასოცირების ხელშეკრულებით ნაკისრი ვალდებულება. ეს მკაფიო კონსტიტუციური ჩანაწერი საშუალებას მოგვცემს, ჩვენ უკვე თებერვალში მივიღოთ ინფორმაციის თავისუფლების აქტი", − აღნიშნა იუსტიციის მინისტრმა.
