აღმოსავლეთ პარტნიორობის სამიტის გახსნის წინ, ბრიუსელში, „ევროპის სახალხო პარტიის“ ფორუმი შედგა. შეხვედრას „ევროპული საქართველოს“ ლიდერები დაესწრნენ.
პარტიაში აცხადებენ, რომ სამიტზე ერთხმად მიიღეს დეკლარაცია, სადაც საქართველოს, უკრაინისა და მოლდოვას ევროპული მისწრაფებისადმი მხარდაჭერაა გამოცხადებული. დოკუმენტში დაფიქსირებულია ასევე, ევროპარლამენტარების მიერ მიღებული რეზოლუციის მნიშვნელობა, რომელიც ასოცირების ხელშეკრულების მქონე ქვეყნებისთვის ახალ ფორმატს - "აღმოსავლეთ პარტნიორობა პლიუსს" ეხება.
,,ევროპული საქართველოს“ ლიდერის გიგი უგულავას თქმით, ევროპელმა დეპუტატებმა უკვე ყველაფერი გააკეთეს, ახლა ჯერი საქართველოს ხელისუფლებაზეა
„EPP-ს პოზიციას ძალიან დიდი მნიშვნელობა აქვს, ასევე ცნობილია, რომ ევროპარლამენტმა მიიღო რეზოლუცია, რომელიც არ არის სავალდებულო, მაგრამ ამ სამი ქვეყნის საქართველოს, მოდლოვეთისა და უკრაინის უფრო წინ წაწევას, რაც კიდევ უფრო დამატებით ვალდებულებებს გულისხმობს, მაგრამ ამავე ორმხრივ თანამშრომლობას გულისხმობს ევროკავშირთან. ჩვენ გვექნება საუბარი რა თქმა უნდა, პირველ რიგში, აუცილებელ მომდევნო, მთავარ ნიშნულზე,“ - განაცხადა გიგი უგულავამ.
