საქართველოს პრემიერ-მინისტრის ნიკა გილაურის განცხადებით, მუდმივმოქმედ კომისიას, რომელმაც სატრანზიტო დერეფანზე უნდა იმუშაოს, პროექტის მონაწილე მხარეების ეფექტურ კოორდინაციაზე ზრუნვა დაევალება. ამის შესახებ გილაურმა საქართველოსა და აზერბაიჯანის პრეზიდენტების - მიხეილ სააკაშვილისა და ილჰამ ალიევის შეხვედრის დასრულების შემდეგ განაცხადა.
მისი თქმით, აღნიშნულ პროექტს ბევრი მონაწილე ჰყავს, ამიტომ გადაწყდა, რომ შეიქმნას მუდმივმოქმედი კომისია, რომელიც მხარეებს შორის კოორდინაციაზე იმუშავებს
"ამ შემთხვევაში ძალიან ბევრი მონაწილე არის ჩართული: გადამზიდავი კასპიის ზღვაზე, ბაქოს პორტი, აზერბაიჯანის რკინიგზა, საქართველოს რკინიგზა და ქართული პორტები. ყველას კოორდინაცია არის აუცილებელი იმისათვის, რომ დერეფნის ეფექტურება გაიზარდოს. ამიტომ ჩვენ შევთანხმდით, რომ ჩამოვაყალიბოთ მუდმივმოქმედი კონისია, ჯგუფი, რომელიც ამ დერეფნის ეფექტურობასა და მისი მონაწილეების კოორდინაციაზე იზრუნებს", - განაცხადა გილაურმა.
შეგახსენებთ, რომ საქართველოს პრეზიდენტმა მიხეილ სააკაშვილმა ბათუმში აზერბაიჯანელ კოლეგასთან გამართული შეხვედრის შემნდეგ განაცხადა, რომ შეიქმნება ქართულ-აზერბაიჯანული მუდმივმოქმედი ჯგუფი, რომელიც იმუშავებს სატრანზიტო დერეფანზე, რომელიც ევროპას შუა აზიასთან, კერძოდ ჩინეთიდან აზერბაიჯანი-საქართველოს გავლით დაკავშირებს
