„სახელმწიფო აუდიტი შემოსულია თბილისის მერიის რამდენიმე სამსახურში და დამატებით, კიდევ იქნება მოთხოვნა ჩვენი მხრიდან, რომ რამდენიმე საქალაქო სამსახური შემოწმდეს”, - ამის შესახებ თბილისის მერმა კახა კალაძემ ჟურნალისტებს განუცხადა.
მისი თქმით, დედაქალაქის მერიაში მოკვლევას მხოლოდ სახელმწიფო აუდიტი ჩაატარებს.
ამ ეტაპზე სახელმწიფო აუდიტის სამსახური თბილისის მერიაში რამდენიმე სამსახურის ფინანსურ მდგომარეობას ამოწმებს. ახალარჩეულმა მერმა 9 ნოემბერს განაცხადა, რომ უფლებამოსილების გადაბარების შემდეგ, მერიაში სავარაუდოდ, მალევე მიიწვევს აუდიტის სამსახურს. ეს ნაბიჯი კი იმით ახსნა, რომ ის ძალიან მნიშვნელოვან უწყებას იბარებს და წინასწარ უნდა იცოდეს, რა ვითარება ხვდება მერიაში.
