"იმედი მაქვს ბელორუსი კეთილგონივრულ გადაწყვეტილებას მიიღებს და აფხაზეთს და ე.წ. სამხრეთ ოსეთს არ აღიარებს", - ამის შესახებ საქართველოს პტრეზიდენტმა მიხეილ სააკაშვილმა ბელორუსიის ტელევიზიასთვის მიცემულ ინტერვიუში განაცხადა.
სააკაშვილის განცხადებით, რუსეთი განაგრძობს ბელორუსზე ზეწოლას იმისათვის, რომ აფხაზეთის და ე.წ. სამხრეთ ოსეთის დამოუკიდებლობა აღიაროს. მისივე თქმით, ბელორუსის პარლამენტში დეპუტატთა ჯგუფი მუშაობდა, "რომელებიც ძალიან სერიოზულად მიუდგნენ ამ საკითხს. ისინი შეხვდნენ დევნილებს და მოისმინეს მათი პრობლემები".
"ამიტომაც მიმაჩნია, რომ აფხაზეთის და ე.წ. სამხრეთ ოსეთის აღიარებასთან დაკავშირებით ბელორუსი კეთილგგონივრულ გადაწყვეტილებას მიიღებს", - განაცხადა საქართველოს პრეზიდენტმა.
შეგახსენებთ, რომ აფხაზეთისა და ცხინვალის რეგიონის ე.წ. დამოუკიდებლობის აღიარების საკითხი ბელარუსის პარლამენტში რამდენჯერმე გადაიდო. შეიქმნა სპეციალური კომისია, რომლებიც საქართველოსაც სტუმრობდნენ. აღნიშნული კომისისს წევრებმა საქართველოში დევნილებიც მოინახულეს, იმყოფებოდნენ აფხაზეთსა და ცხინვალის რეგიონშიც და იქ არსებულ ვითარებას ადგილზე გაეცნენ.