ევროკავშირის უმაღლესი წარმომადგენელი საგარეო და უსაფრთხოების პოლიტიკის საკითხებში, ევროკომისიის ვიცე-პრეზიდენტი, ბარონესა ქეთრინ ეშტონი დღეს, ოკუპირებული ახალგორის მოსაზღვრე სოფლებს ესტუმრება.
ბარონესა ეშტონი იქ არსებულ ვითარებას ადგილზე გაეცნობა, მოგვიანებით კი წეროვანში ჩასახლებულ დევნილებს მოინახულებს. დღესვე ევროკავშირის უმაღლესი წარმომადგენელი ევროკავშირის მისიის ოფისში მისვლასაც გეგმავს.
საქართველოში ვიზიტად მყოფი ბარონესა ეშტონი საქართველოს საგარეო საქმეთა მინისტრსა და ქვეყნის პრეზიდენტს შეხვდა.
ევროკომისიის ვიცე-პრეზიდენტმა ბათუმში საქართველოს ტერიტორიული მთლიანობის მხარდაჭერაზე ისაუბრა და აღნიშნა, რომ ევროპა საქართველოს დახმარებასა და მხარდაჭერას კვლავ გააგრძელებს.