ზუგდიდი-ცაიშის ავტომაგისტრალზე მომხდარ ავტოსაგზაო შემთხვევას, საქართველოს პირველი მოწვევის უზენაესი საბჭოს წევრი, ყოფილი პარლამენტარი და მმართველი პოლიტიკური გუნდის რიგებიდან ზუგდიდის საკრებულოში ახლად არჩეული დეპუტატი, თამაზ ჟორჟოლიანი ემსხვერპლა.
არსებული ინფორმაციით, ერთმანეთს “მიცუბიშისა“ და “ფოლცვაგენის“ მარკის ავტომობილები დაეჯახნენ.
საქართველოს შინაგან საქმეთა სამინისტრომ მომხდარზე გამოძიება სისხლის სამართლის კოდექსის 276-ე მუხლის მეხუთე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
ცნობისთვის, გზის აღნიშნულ მონაკვეთზე მეორე ავტოსაგზაო შემთხვევაც მოხდა, რასაც მოპედის მძღოლი ემსხვერპლა.
