თანამდებობას ჩამოშორებული კარლეს პუჩდემონი ბელგიაში იმყოფება. კატალონიის ყოფილი ლიდერი ბრიუსელში ადვოკატს შეხვდა. პოლ ბეკარი, რომელიც ბასკური დაჯგუფება ეტას წევრების ინტერესებს იცავდა, ახლა მზადაა სასამართლოში კარლოს პუჩდემონი დაიცვას. ესპანური მედიის ცნობით, ბელგიაში პუჩდემონთან ერთად 5 კატალონიელი მაღალჩინოსანიც იმყოფება. ესპანეთის გენერალურმა პროკურორმა კარლეს პუჩდემონის წინაღმდეგ სარჩელი უზენაეს სასამართლოში შეიტანა. მას ამბოხსა და კონსტიტუციის დარღვევაში ადანაშაულებენ.
