თბილისში, 7 წლის გოგონაზე სექსუალური ძალადობის ბრალდებით 25 წლის მამაკაცი დააკავეს, - ამის შესახებ ინფორმაციას "რუსთავი 2" ავრცელებს.
7 წლის გოგონას ოჯახის ინფორმაციით, ბავშვი კერძო მასწავლებელთან დადიოდა და მასზე სექსუალურად რეპეტიტორის ქმარმა იძალადა.
მათივე ცნობით, პედაგოგის მეუღლე 7 წლის გოგონას მიმართ გარყვნილ ქმედებას ადრეც ჩადიოდა და ამის შესახებ ბავშვმა დედას თავად უამბო.
დაკავებულის მეუღლე ბრალდებებს კატეგორიულად უარყოფს თუმცა ადასტურებს, რომ მისი მეუღლე გაკვეთილის დასრულების შემდეგ 4 წლის შვილთან და 7 წლის მოსწავლესთან ერთად თამაშობდა.
პოლიციამ ბრალდებულის 4 წლის შვილი დაკითხა, თუმცა დაკავებულის ოჯახის ინფორმაციით, მისი შვილი სექსუალური ძალადობის ფაქტს არ ადასტურებს.
