სასტუმრო "ბეტსში", ცენტრალური საარჩევნო კომისიის თავმჯდომარე ზურაბ ხარატიშვილთა, ცესკოს, თბილისის 10 საოლქო საარჩევნო კომისიის წარმომადგენლებთან, ასევე საარჩევნო სისტემების განვითარების რეფორმების და სწავლების ცენტრის ტრენერებთან სამუშაო შეხვედრა გაიმართა.
შეხვედრაზე მხარეებმა საარჩევნო კანონმდებლობის რეფორმაზე იმსჯელეს და ამ კუთხით საოლქო საარჩევნო კომისიების წარმომადგენელთა რეკომენდაციები მოისმინეს. ასევე განიხილეს 30 მაისის არჩევნების დროს და წინასაარჩევნო პერიოდში გამოვლენილი მედიასთან ურთიერთობის ხარვეზები, რომელთა გადაჭრა, საარჩევნო ადმინისტრაციამ, არასაარჩევნო პერიოდში უნდა მოახდინოს.
შეხვედრა UNDP-ის პროექტის "დიალოგისა და შესაძლებლობათა განვითარების მხარდაჭერა ეფექტური ეროვნული საარჩევნო პროცესებისათვის" ორგანიზებით და ფინანსური მხარდაჭერით გაიმართა.
მსგავსი შეხვედრები, უახლოეს მომავალში საქართველოს მასშტაბით, რეგიონების მიხედვით, ყველა საოლქო საარჩევნო კომისიის წარმომადგენლებთან გაიმართება.