"მოძრაობა სამართლიანი საქართველოსთვის" ლიდერის ზურაბ ნოღაიდელის გუშინდელი განცხადების მიხედვით, ეკონომიკის ყოფილი მინისტრი ვანო ჩხარტიშვილი და მისი ოჯახი ბრიტანეთში იმის გამო გაემგზავრა, რომ საქართველოში ყოფილი პრემიერის წინააღმდეგ ჩვენების მიცემას აიძულებდნენ. ამის შესახებ დღეს, 8 ივლისს, 13:00 საათზე, "მოძრაობა სამართლიანი საქართველოსთვის" ოფისში, ზურაბ ნოღაიდელი საგანგებო განცხადებას გააკეთებს.
ცნობისათვის, ჩხარიტიშვილის ოჯახთან ერთად საქართველოდან მისი ძმის ოჯახიც გაემგზავრა. აღნიშნულთან დაკავშირებით ნოღაიდელის პარტიიდან კომენტარი მხოლოდ დეპუტატმა პეტრე მამრძემ გააკეთა, რომლის თქმითაც მას ვერ წარმოუდგენია თუ რა კომპრომატი შეიძლება ხელისუფლებას ექს-პრემიერის წინააღმდეგ ჰქონდეს, შესაბამისად მამრძე ვერ ამბობს, თუ რა ჩვენებაზე აწერინებდნენ ხელს ყოფილ ეკონომიკის მინისტრს.
ჩხარატიშვილის საქართველოდან წასვლის შესახებ ინფორმაციას არ ფლობენ მისი მეგობრები და პარტნიორები, თუმცა ზოგიერთი მათგანი, მაგალითად: ყოფილი პარლამენტარი, ზაზა სიორაძე ადასტურებს, რომ ვანო ჩხარტიშვილი თბილისში არ იმყოფება, თუმცა სიორაძე ვერ ამბობს, თუ რის გამო გაემგზავრა ყოფილი მინისტრი საქართველოდან.
შეგახსენებთ, რომ ვანო ჩხარტიშვილი თავის დროზე იყო საქართველოს ეკონომიკის მინისტრი და პარლამენტარი, ასევე ჩხარტიშვილი "ვითიბი ბანკის" ყოფილი აქციონერი ამჟამად კი, "სოკარ ენრჯი ჯორჯიას" აქციათა 24,5%-ის მფოლობელია.
