ფინანსთა სამინისტროს საგამოძიებო სამსახურის ინფორმაციით, საბაჟო კონტროლისგან მალულად საქართველოში, ცოცხალი კიბორჩხალის და შებოლილი თევზის შემოტანისთვის, სომხეთის მოქალაქე დააკავეს.
მათივე ცნობით, მას დეკლარაციის თანახმად, მხოლოდ სხვადასხვა სახის ხილის შემოტანის ნებართვა ჰქონდა, თუმცა ხილის გარდა, სატვირთო მანქანით, არადეკლარირებული ტვირთი - 10 339 კგ ცოცხალი კიბორჩხალა და 1 110 კგ შებოლილი თევზის გადაჰქონდა.
საგამოძიებო სამსახურის თანამშრომლების მიერ ამოღებული საქონლის საბაჟო ღირებულება 35 310 ლარს შეადგენს. საქმეზე გამოძიება საქართველოს სისხლის სამართლის კოდექსის 214-ე მუხლის მეორე ნაწილით დაიწყო, რაც სასჯელის სახით 5-დან 7 წლამდე თავისუფლების აღკვეთას ითვალისწინებს.
