დღეს საქართველოში ოჯახის სიწმინდის დღე აღინიშნება. ამ დღესთან დაკავშირებით თბილისის ცენტრალურ უბნებში სხვადასხვა ღონისძიება იმართება.
სასულიერო პირებმა ფილარმონიასთან პარაკლისი აღავლინეს, ამ წუთებში კი კონცერტი იმართება. სხვადასხვა ლოკაციაზე წარმოდგენილ ღონისძიებებს მრევლი და სასულიერო პირები ესწრებიან.
ცოტა ხანში დაიწყება სახალხო მსვლელობა ვარდების მოედნიდან სამების საკათედრო ტაძრისაკენ. ეკლესიაში მისულ მრევლს საქართველოს პატრიარქი ილია მეორე დალოცავს და პარაკლისს გადაიხდის.
