ბილიარდის სახეობა პული ცხრიანში დასრულდა საქართველოს თასის გათამაშება. ტურნირი ოლიმპიური სისტემით ჩატარდა და მასში მონაწილეობა 32 სპორტსმენმა მიიღო.
"საზოგადოებრივი მაუწყებლის" ინფორმაციით, თასის ფინალში ნოდარ ბაქრაძემ ზურაბ წერეთელი 11:5 დაამარცხა და შეჯიბრის გამარჯვებული გახდა.
გათამაშების საპრიზო ფონდი 2 000 ლარს შეადგენდა. ბილიარდში საქართველოს ნაკრების 4 წევრი 17 მაისს ავსტრიაში გაემგზავრება, სადაც მონაწილეობას ბილიარდის საერთაშორისო ღია ჩემპიონატში მიიღებს.
