ევროკომისარი გაფართოების საკითხებში მარტა კოსი ახადებს, რომ ტექნიკურად შესაძლებელია მოლდოვასთან ევროკავშირში გაწევრიანების შესახებ მოლაპარაკებები 2028 წლის პირველ ან მეორე კვარტალში დასრულდეს.
ამის შესახებ უკრაინული გამოცემა "ევროპეისკა პრავდა" წერს.
გამოცემის ცნობით, კიშინიოვს ევროკომისიასა და ევროპის დედაქალაქებში ვალდებულებების შესრულებისთვის მაღალ შეფასებას აძლევენ.
„ამჟამად ყველაფერი მართლაც შესანიშნავად მიდის. ჩვენ მხარს ვუჭერთ მოლდოვის მისწრაფებას, 2030 წლისთვის ევროკავშირის წევრი გახდეს. თუ წარსულ გამოცდილებას გავაანალიზებთ, დავინახავთ, რომ ტექნიკურად შესაძლებელია გაწევრიანების შესახებ მოლაპარაკებების დასრულება უკვე 2028 წლის პირველ ან მეორე კვარტალში“, - განაცხადა მარტა კოსმა.
გამოცემის მიერ გამოქვეყნებულ სტატიააში ააღნიშნულია, რომ ევროკომისიის მხრიდან გაწევრიანების პროცესში კონკრეტული სავარაუდო ვადების დასახელება საკმაოდ უჩვეულოა.
„ამიტომ კოსს ასეთი ოპტიმიზმის საფუძველი ნამდვილად აქვს. რაც შეეხება უკრაინას, ამჯერად მსგავსი პროგნოზები არ გაჟღერებულა“, - წერს გამოცემა.
