"ქრისტიან-დემოკრატები" წამლებზე ფასების რეგულაციისათვის მედიკამენტებზე ფასთწარმოქმნის პროცესში სახელმწიფოს ჩარევას ითხოვენ. ეს მოთხოვნა დღეს პარლამენტში საგანგებოდ გამათულ ბრიფინგზე "ქრისტიან-დემოკრატების" წარმომადგენელმა მაგდა ანიკაშვილმა გაახმოვანა.
მისი თქმით, საგანგაშოა ის პროცესი, რაც წამლებთან დაკავშირებით მიმდინარეობს და ხელისუფლებისაგან ითხოვს, რომ მეტი აქტიურობა გამოიჩინოს მედიკამებტებთან დაკავშირებულ პროცესებზე, რადგან ეს თითოეული ადამიანის სიცოცხელეს ეხება. მისი თქმით, უნდა განისაზღვროს ყოველ წამალზე ფასნამატის ოდენობა, დადგინდეს მედიკამენტის თვითღირებულების ზუსტი პროცენტი, რაზეც მეტი ფასის დადების უფლება ფარმაცევტულ კომპანიებს აღარ ექნებათ.
ანიკაშვილმა ბრიფინგზე მთელი რიგი იმპორტირებული მედიკამენტები წარმოადგინა, რომელთა სარეალიზაციო ფასნამატი 150-200 პროცენტს შეადგენს.
როგორც ანიკაშვილი აცხადებს, მაგალითისათვის ვოლოკორდინის ფასი საზღვარზე 0.73 ევროა საქართველოში სარეალიზაციო ფასი კი 9,36 ლარს შეადგენს.
"ხელისუფლების უმოქმედობა ფარმაცევტულ სფეროსთან მიმართებაში დანაშაულის ტოლფასია. ერთი მხირვ, მთავრობის უპასუხისმგებლო დამოკიდებულებისა და მეორე მხრივ, ფარმაცევტული კომპანიების მხრიდან ლარის კურისს ცვალებადობის მანიპულირების შედეგად ერთ დღეში ათობით ადამიანი სასციცოცხლო მნიშვნელობის წამლების გარეშე დარჩენის რისკის ქვეშ აღმოჩნდა.
შექმნილი ვითარება მოწმობს, რომ გარდაუვალია მედიკამენტების ფასების რეგულირების მექანიზმის შექმნა. ამისათვის, აუცილებელია, სახელმწიფო ჩაერიოს მედიკამენტების ფასთწარმოქმნის პროცესში. კონკრეუტლად კი უნდა განისაზღვროს ყოველ წამალზე ფასნამატის ოდენობა. მისი თქმით, ყველაზე მისაღები იქნება გერმანული მოდელის განხორციელება. რომლის თანახმად, წამალზე 40-პროცენტიან ფასნამატზე მეტი აკრძალულია.
