საფრანგეთის ყოფილი პრემიერ-მინისტრი ალენ ჟიუპე საპრეზიდენტო კანდიდატის, ფრანსუა ფიიონის ჩანაცვლებაზე უარს ამბობს. „დღეისათვის ამისთვის მზად არ ვარ. ამიტომ, რესპუბლიკური პარტიის კანდიდატობაზე უარს ვამბობ,“-აღნიშნა ჟიუპემ. ფრანსუა ფიიონი კორუფციულ სკანდალში მას შემდეგ გაეხვა, რაც დადგინდა, რომ პარლამენტში თანაშემწედ საკუთარი ცოლი ჰყავდა გაფორმებული და სოლიდურ გასამრჯელოს უხდიდა. ამის გამო მისი რეიტინგი მკვეთრად დაეცა.
